2006/08/22

Le petra runic de Rök

Un excursion del participantes del Incontro Nordic in Vadstena, 2006

Durante le cursos intensive ante le 10e Incontro Nordic in Vadstena il anque habeva excursiones interessante. Uno esseva le excursion a Rök ubi Johan Wigforss, un membro del Societate Svedese pro Interlingua narrava del petra runic famose. Ille es archeologo e su narration esseva multo agradabile e naturalmente multo competente.


Johan Wigforss narra



Iste petra runic es un del plus remarcabile in le mundo e contine le plus longe scriptura de omne petras runic in le mundo, plus que 700 signos (170 parolas). Le texto es multo decorative lo que face le petra un obra maestral artistic. Illo probabilemente es gravate durante le annos 800 ma omne expertos non es de accordo. Durante multe annos le petra ha essite murate in le ecclesia ma desde 1843 illo sta presso le ecclesia, in iste dies anque fornite con un tecto protective.
Le scriptor debe ha habite grande cognoscentia de contos mythic e del ideas e credentias de ille tempore. Le texto es multo difficile comprender, i.a. a causa de codices e signos superflue ma anque a causa de referentias a eventos difficile de interpretar. Il anque ha existite plure formas de litteras runic durante le seculos. Il ha textos sur omne lateres del petra, mesmo sur le latere superior. Le altitude es 3,5 m. ma un metro es sub le sol. Le peso circa 4 tonnas.
Le texto se tracta de un persona appellate Vämod pro lequal le patre, Varin, ha elevate le petra pro laudar su filio.




Inter le sagittas rubie sta "aft " lo que es le initio del texto:

In le prime duo lineas sta:


"aft uamuþ stonta runaR þaR n uarin faþi faþiR aft faikion sunu sakum..."

"Till minne av Vämod står dessa runor. Men Varin skrev dem, fadern, till minne av den döde sonen..."

"Pro rememorar Vämod sta iste runas. Ma Varin los skribeva, le patre, al memoria del filio morte..."

Isto es le alphabeto que esseva usate durante ille tempore, kortkvistrunor, ma il ha plure alteres:




In Wikipedia, le encyclopedia polyglotte in internet io nunc ha scribite un articulo un poco plus detaliate re iste petra runic. Vide http://ia.wikipedia.org/wiki/Petra_runic_de_R%C3%B6k

3 kommentarer:

algus sa...

Salute

Io trova tu description del petra runic de Rök multo interessante.
Ante 50 annos o plus io ha visitate iste monumento
antique e un nove visita esserea multo interessante.
Io ha inserite tu imagine sur mi sito con un ligamine directe a tu blog e spera que tu accepta .

Alf

algus sa...

Salute
e gratias pro tu addition con explanationes re le scripto.
Io esseva in Sigtuna ante alcun dies e ibi io trova plure petras con inscriptiones. Istos es interessante como le prime textos de nostre antecessores in Svedia.
Alf

Lars sa...

Un interessante entrata. Io va facer un ligamine a illo in mi blog.

Prendeva tu anque ulle photos del monasterio? Infortunatemente io non portava mi camera con me a iste die, alora io ha nulle photos del locos que nos videva durante illo.

Lars